ഹാപ്പി ക്രിസ്മസ്; മും​ബൈ സി​റ്റി​ക്കെതിരേ ബ്ലാസ്റ്റേഴ്സിനു ജയം

കൊ​ച്ചി: ക്രി​സ്മ​സ് രാ​വി​ൽ സ്വ​ന്തം ത​ട്ട​ക​ത്തി​ൽ മും​ബൈ സി​റ്റി​യോ​ടെ ക​ണ​ക്ക് തീ​ർ​ത്ത് കേ​ര​ള ബ്ലാ​സ്റ്റേ​ഴ്സ്. ഇ​ന്ത്യ​ൻ സൂ​പ്പ​ർ ലീ​ഗി​ൽ ഇ​ന്ന​ലെ ക​ലൂ​ർ ജ​വ​ഹ​ർ​ലാ​ൽ നെ​ഹ്റു സ്റ്റേ​ഡി​യ​ത്തി​ൽ മും​ബൈ സി​റ്റി എ​ഫ്സി​യെ ഏ​ക​പ​ക്ഷീ​യ​മാ​യ ര​ണ്ട് ഗോ​ളു​ക​ൾ​ക്കാ​ണ് കേ​ര​ള ബ്ലാ​സ്റ്റേ​ഴ്സ് പ​രാ​ജ​യ​പ്പെ​ടു​ത്തി​യ​ത്. മും​ബൈ​യി​ൽ ന​ട​ന്ന മ​ത്സ​ര​ത്തി​ലെ തോ​ൽ​വി പ​ക​രംവീ​ട്ട​ലും ആരാധർക്കൊരു ക്രിസ്മസ് സമ്മാനവുമായിരുന്ന ഈ ജയം. ആ​ദ്യ​പ​കു​തി​യി​ൽ ദി​മി​ത്രി​യോ​സ് ഡ​യ​മ​ന്‍റ​കോ​സും (11’) ആ​ദ്യ​പ​കു​തി​യി​ടെ ഇ​ഞ്ച്വ​റി ടൈ​മി​ൽ ക്വാ​മി പെ​പ്ര​യും (45+5’) ബ്ലാ​സ്റ്റേ​ഴ്സി​നാ​യി ഗോ​ളു​ക​ൾ നേ​ടി. ടൂ​ർ​ണ​മെ​ന്‍റി​ലെ മും​ബൈ​യു​ടെ ആ​ദ്യ തോ​ൽ​വി​കൂ​ടി​യാ​ണ് ക​ലൂ​ർ സ്റ്റേ​ഡി​യ​ത്തി​ൽ സം​ഭ​വി​ച്ച​ത്. സീസണിൽ ബ്ലാസ്റ്റേഴ് സിന്‍റെ ഏഴാം ജയ മാണ്. ആ​ദ്യ​ പകുതിയിൽ ഗോ​ൾ വ​ഴ​ങ്ങി​യ​തു​കൊ​ണ്ട് തി​രി​ച്ച​ടി​ക്കാ​ൻ സാ​ധി​ക്കു​മെ​ന്ന ആ​ത്മ​വി​ശ്വ​ത്തി​ലാ​ണ് മും​ബൈ പൊ​രു​തി​യ​ത്. ഗോ​ളെ​ന്ന് ഉ​റ​ച്ച ചി​ല ​നി​മി​ഷ​ങ്ങ​ൾ സൃ​ഷ്ടി​ക്കാ​നും മും​ബൈ​ക്ക് സാ​ധി​ച്ചു.

മ​ധ്യ​നി​ര​താ​രം ജ​യേ​ഷ് റാ​ണ​യു​ടെ മി​ന്നു​ന്ന ഷോ​ട്ട് ബ്ലാ​സ്റ്റേ​ഴ്സ് പോ​സ്റ്റി​ലി​ടി​ച്ച് മ​ട​ങ്ങു​ക​യും ചെ​യ്ത​തോ​ടെ ആ​തി​ഥേ​യ​ർ​ക്ക് നി​രാ​ശ​യാ​യി​രു​ന്നു തു​ട​ർ​ന്നു​ള്ള നി​മി​ഷ​ങ്ങ​ളി​ലു​ണ്ടാ​യ​ത്. ഇ​തി​നി​ടെ മ​ധ്യ​നി​ര​യി​ൽ മി​ക​ച്ച പ്ര​ക​ട​നം കാ​ഴ്ച്ച​വ​ച്ച മ​ല​യാ​ളി​താ​രം വി​പി​ൻ മോ​ഹ​ന​ൻ പ​രി​ക്കേ​റ്റ് പു​റ​ത്ത് പോ​യ​ത് ബ്ലാ​സ്റ്റേ​ഴ്സി​ന് തി​രി​ച്ച​ടി​യാ​യി. രണ്ടാം ​പ​കു​തി​യി​ൽ ഗോ​ൾ ക​ടം വീ​ട്ടാ​നാ​യി മും​ബൈ ആ​ക്ര​മി​ച്ച് ക​ളി​യാ​രം​ഭി​ച്ചെ​ങ്കി​ലും ബ്ലാ​സ്റ്റേ​ഴ്സി​ന്‍റെ പ്ര​തി​രോ​ധ നി​ര​യെ മ​റി​ക​ട​ക്കാ​നാ​യി​ല്ല. 27ന് ​കോ​ൽ​ക്ക​ത്ത​യി​ൽ മോ ഹൻബഗാനെതി​രേ​യാ​ണ് ബ്ലാ​സ്റ്റേ​ഴ്സി​ന്‍റെ അ​ടു​ത്ത ക​ളി.


Source link