2023 ഡിസംബർ മാസഫലം
മേടം (അശ്വതി, ഭരണി, കാർത്തിക ¼)ഇക്കൂട്ടർക്ക് വർഷത്തിലെ അവസാന മാസം വളരെ ശുഭകരമാണ്. മാസത്തിന്റെ തുടക്കം മുതൽ നിങ്ങളുടെ തൊഴിൽ രംഗത്ത് ആഗ്രഹിച്ച ഫലങ്ങൾ ലഭിച്ചുതുടങ്ങും. സ്ഥാനമാനങ്ങളും സമൂഹത്തിൽ ബഹുമാനവും വന്നുചേരും. സാമ്പത്തിക നേട്ടം ഉണ്ടാകും. കരാർ ജോലിക്കാർക്ക് ഈ മാസം വളരെ ഗുണകരമായിരിക്കും. ബിസിനസിൽ നേട്ടമുണ്ടാക്കാൻ പല അവസരങ്ങളും വന്നുചേരും. തൊഴിൽ രഹിതർക്ക് പുതിയ ജോലിയിൽ പ്രവേശിക്കാൻ സാധിക്കും. തീർത്ഥാടന സ്ഥലങ്ങൾ ഈ മാസം സന്ദർശിക്കാനും അവസരമുണ്ടാകും. ജോലിക്കായി വിദേശത്ത് പോകാൻ ശ്രമിക്കുന്നവർക്ക് നേരിട്ടിരുന്ന തടസ്സങ്ങൾ മാറും. പിതാവിന്റെ സഹായത്തോടെ കുടുംബ പ്രശ്നങ്ങൾ പരിഹരിക്കാൻ സാധിക്കും. വസ്തു ഇടപാടുകളുമായി ബന്ധപ്പെട്ട് നിങ്ങൾക്ക് ലാഭം ഉണ്ടാക്കാൻ കഴിയും.മാസത്തിന്റെ രണ്ടാം പകുതിയിൽ സന്താനങ്ങളുടെ ഭാഗത്ത് നിന്ന് നല്ല വാർത്തകൾ ലഭിക്കുന്നത് നിങ്ങളെ സന്തോഷഭരിതരാക്കും. അവിവാഹിതരുടെ വിവാഹം ഉറപ്പിക്കുന്നതുൾപ്പടെ ഗൃഹത്തിൽ ചില മംഗള കാര്യങ്ങൾ നടക്കും. പ്രണയ ബന്ധം വിവാഹത്തിലേക്ക് നീങ്ങാനുള്ള സകല സാധ്യതകളുമുണ്ട്. ഇതിനായി ഇരുകുടുംബങ്ങളുടെയും സമ്മതം ലഭിക്കും.മാസത്തിന്റെ അവസാനം വിനോദ യാത്രകൾക്ക് പോകാനിടയുണ്ട്. ആരോഗ്യം സാധാരണ നിലയിൽ തന്നെ തുടരും.ഇടവം (കാർത്തിക ¾, രോഹിണി, മകയിരം ½)ഇടവക്കൂറുകാർക്ക് ഈ മാസം സമ്മിശ്ര ഗുണങ്ങളാണ് നൽകുക. സാമ്പത്തിക ഇടപാടുകൾ വളരെ ശ്രദ്ധയോടെ കൈകാര്യം ചെയ്യണം. മാസത്തിന്റെ തുടക്കത്തിൽ തന്നെ ചില ആരോഗ്യ പ്രശ്നങ്ങൾ ഉണ്ടാകാൻ സാധ്യതയുണ്ട്. മാനസിക സമ്മർദ്ദവും വർധിച്ചേക്കാം. മോശം ആരോഗ്യം നിങ്ങളുടെ ജോലിയേയും പ്രതികൂലമായി ബാധിക്കാനിടയുണ്ട്. ജീവിതത്തിലെ അപ്രതീക്ഷിത സംഭവങ്ങൾ നിങ്ങളെ വിഷാദത്തിലേയ്ക്ക് കൊണ്ടെത്തിക്കാനും സാധ്യതയുള്ളതിനാൽ വേണ്ട പിന്തുണ തേടേണ്ടത് പ്രധാനമാണ്. കൂടാതെ ഈ കാലയളവിൽ നിങ്ങളുടെ ഭക്ഷണ ശീലത്തിലും പ്രത്യേകം ശ്രദ്ധിക്കേണ്ടതുണ്ട്.ഏതെങ്കിലും പദ്ധതികളിൽ പണം നിക്ഷേപിക്കുന്നതിന് മുമ്പ് ഇതിൽ അറിവുള്ളവരിൽ നിന്ന് അഭിപ്രായം തേടുന്നത് നല്ലതായിരിക്കും. തൊഴിലിടത്തിൽ നിങ്ങളുടെ ജോലികൾ മികച്ച രീതിയിൽ തന്നെ പൂർത്തിയാക്കാൻ ശ്രമിക്കണം. അശ്രദ്ധ പാടില്ല എന്ന് ചുരുക്കം. തിരക്ക് കൂട്ടി ജോലികൾ ചെയ്ത് തീർക്കാൻ ശ്രമിക്കുന്നത് അബദ്ധത്തിൽ ചെന്നെത്തിക്കാനിടയുണ്ട്. വാഹനം ശ്രദ്ധാപൂർവം ഓടിക്കുക.എന്നിരുന്നാലും മാസത്തിന്റെ രണ്ടാം പകുതി അല്പം ആശ്വാസകരമായിരിക്കും. പരീക്ഷകൾക്ക് തയ്യാറെടുക്കുന്ന വിദ്യാർത്ഥികൾക്ക് ഈ മാസം ശുഭകരമായിരിക്കും. പഠനത്തിൽ പുരോഗതി പ്രകടിപ്പിക്കുന്നതിനൊപ്പം പരീക്ഷകളിൽ മികച്ച വിജയം നേടാനും സാധിക്കും.ആരോടെങ്കിലും പ്രണയം തുറന്ന് പറയാൻ ആഗ്രഹിക്കുന്നെങ്കിൽ അതിന് കുറച്ച് കൂടെ കാത്തിരിക്കുന്നതാകും നല്ലത്. പങ്കാളിയുടെ വികാരങ്ങൾ അവഗണിക്കരുത്. ദാമ്പത്യ ജീവിതം സന്തോഷകരമാക്കാൻ ചെറിയ പ്രശ്നങ്ങൾ അവഗണിക്കുന്നതാണ് നല്ലത്.മിഥുനം (മകയിരം ½, തിരുവാതിര, പുണർതം ¾)മിഥുനക്കൂറുകാർക്ക് സമ്മിശ്ര ഗുണങ്ങൾ ലഭിക്കുന്ന മാസമാണിത്. വേണ്ടപ്പെട്ടവരുടെ പിന്തുണ ഉണ്ടാകും. ജോലി സ്ഥലത്ത് മേലധികാരിയിൽ നിന്ന് അനുകൂലമായ വാർത്ത ഉണ്ടാകാനിടയുണ്ട്. പ്രമോഷന് സാധ്യത കാണുന്നു. വളരെക്കാലമായി ആഗ്രഹിച്ചിരുന്ന സ്ഥലംമാറ്റത്തിനും ഉത്തരവ് ലഭിക്കും. ബിസിനസ് വിപുലീകരിക്കാൻ അനുകൂല സമയമാണ്. കുടുംബത്തോടൊപ്പം യാത്ര പോകാനിടയുണ്ട്.എന്നാൽ മാസത്തിന്റെ പകുതിയോടെ പലതരം വെല്ലുവിളികളെയും നേരിടേണ്ടതായി വരും. തൊഴിൽ രംഗത്ത് ചില ബുദ്ധിമുട്ടുകൾ ഉണ്ടാകാനിടയുണ്ട്. മേലുദ്യോഗസ്ഥരിൽ നിന്ന് ലഭിച്ചിരുന്ന പിന്തുണ കുറയുന്നതായി തോന്നാം. എതിരാളികൾ ജോലിയിൽ തടസ്സങ്ങൾ സൃഷ്ടിക്കും. ജോലി വിടുന്നതിനെ കുറിച്ച് പോലും ചിന്തിക്കാൻ സാധ്യതയുണ്ട്. ഈ സാഹചര്യം ഉടൻ മാറുന്നതാണ്. അതിനാൽ ക്ഷമയോടും ശ്രദ്ധയോടും ഇപ്പോഴുള്ള ജോലിയിൽ തുടരുക. പണമിടപാടുകളിൽ പ്രത്യേക ശ്രദ്ധ ആവശ്യമാണ്. ഏതെങ്കിലും പദ്ധതിയിലോ ബിസിനസിന്റെ ഈ സമയത്ത് നിക്ഷേപിക്കുന്നത് ഒഴിവാക്കുക.പ്രണയ ബന്ധത്തിലേക്ക് കാലെടുത്തുവെയ്ക്കുന്നതിന് മുമ്പ് പല തവണ ആലോചിക്കേണ്ടതുണ്ട്. അല്ലാത്ത പക്ഷം പിന്നീട് ഖേദിക്കേണ്ടി വന്നേക്കാം. ദാമ്പത്യത്തിൽ ചെറിയ കാര്യങ്ങളിൽ പോലും തർക്കം ഉണ്ടാകാനിടയുണ്ട്. മക്കളുമായി ആശയപരമായ അഭിപ്രായ വ്യത്യാസങ്ങൾ ഉണ്ടാകാം.കർക്കടകം (പുണർതം ¼, പൂയം, ആയില്യം)കർക്കടക രാശിക്ക് ഈ മാസം ഗുണ ദോഷ സമ്മിശ്രമാണ്. എന്നിരുന്നാലും മാസത്തിന്റെ തുടക്കത്തിൽ ജോലിയിൽ വിജയം നേടും. സമൂഹത്തിൽ സ്വാധീനമുള്ള വ്യക്തിയുടെ സഹായത്തോടെ ഒരു വലിയ പ്രശ്നം പരിഹാരിക്കുന്നത് വലിയ ആശ്വാസം നൽകും. സുഹൃത്തുക്കളിൽ നിന്നും ബന്ധുക്കളിൽ നിന്നും പൂർണ്ണ പിന്തുണ ഉണ്ടാകും. പൂർവിക സ്വത്ത് അനുഭവത്തിൽ വന്നുചേരാനിടയുണ്ട്. മേലധികാരിയുടെ പിന്തുണ ലഭിക്കുന്നത് ജോലികൾ ആത്മവിശ്വാസത്തോടെ ചെയ്യാനുള്ള ധൈര്യം നൽകും. മാത്രവുമല്ല, വലിയൊരു പ്രോജക്ടിന്റെ ഭാഗമാകാനും നിങ്ങൾക്ക് അവസരം ലഭിച്ചേക്കും.മാസത്തിന്റെ പകുതിയോടെ ചില ആരോഗ്യ പ്രശ്നങ്ങൾ ഉടലെടുക്കാൻ സാധ്യതയുണ്ട്. ഇത് നിങ്ങളുടെ ജോലിയേയും പ്രതികൂലമായി ബാധിച്ചേക്കാം. മോശം ആരോഗ്യം മൂലം പല വലിയ അവസരങ്ങളും നഷ്ടമായേക്കും. കുടുംബത്തോടൊപ്പം ചില യാത്രകൾ പ്ലാൻ ചെയ്യുമെങ്കിലും മോശം ആരോഗ്യം അതിന് തടസ്സമായി നിൽക്കും.മാസത്തിന്റെ അവസാനമാകുന്നതോടെ വീണ്ടും ഗുണകരമായ മാറ്റങ്ങൾ ഉണ്ടാകുന്നതാണ്. പ്രമോഷനോ സ്ഥലംമാറ്റമോ ലാഭിക്കാം. ബിസിനസ് വിപുലീകരിക്കുന്നതിന് അനുകൂലസമയം. പ്രണയബന്ധം ശക്തമായി മുമ്പോട്ട് പോകും. ബന്ധങ്ങളിൽ സത്യസന്ധത പുലർത്തുക.ചിങ്ങം (മകം, പൂരം, ഉത്രം ¼)ചിങ്ങക്കൂറുകാർക്ക് ഐശ്വര്യവും ഭാഗ്യവും ഉണ്ടാകരുന്ന മാസമാണ്. മാസത്തിലുടനീളം നിങ്ങളുടെ കഠിനാധ്വാനത്തിൽ നിന്നും പരിശ്രമത്തിൽ നിന്നും നിങ്ങൾക്ക് ശുഭകരമായ ഫലങ്ങൾ ലഭിക്കും. മാസത്തിന്റെ തുടക്കത്തിൽ പ്രമോഷന് സാധ്യതയുണ്ട്. സ്ഥലംമാറ്റം കിട്ടാനും സാധ്യത കാണുന്നു. രാഷ്ട്രീയ രംഗത്ത് പ്രവർത്തിക്കുന്നവർക്ക് പദവികളോ പുതിയ ഉത്തരവാദിത്തങ്ങളോ ലഭിച്ചേക്കാം. സമൂഹത്തിൽ നിങ്ങളുടെ ബഹുമാനം വർധിക്കും. ബിസിനസിൽ നിന്ന് പ്രതീക്ഷിച്ചതിലും കൂടുതൽ ലാഭം നേടാനാകും. വിദേശത്ത് ബിസിനസ് ചെയ്യുന്നവർക്കും അനുകൂല സമയമാണ്. വിദ്യാർത്ഥികൾക്ക് മികച്ച വിജയം നേടാനാകും. അവിവാഹിതരുടെ വിവാഹം ഉറപ്പിക്കാൻ സാധ്യതയുണ്ട്. പുതിയ അംഗത്തിന്റെ വരവ് വീട്ടിൽ സന്തോഷം കൊണ്ടുവരും.പ്രണയ ബന്ധം സന്തോഷകരമായി മുമ്പോട്ട് പോകും. ദാമ്പത്യ ജീവിതം സന്തോഷകരമായിരിക്കും. പങ്കളൈയുമായി സന്തോഷത്തോടെ സമയം ചെലവിടും. മാസാവസാനം കുടുംബത്തോടൊപ്പം യാത്ര പോകാനിടയുണ്ട്.കന്നി (ഉത്രം ¾, അത്തം, ചിത്തിര ½)കന്നിരാശിക്കാർക്ക് വർഷത്തിലെ അവസാന മാസം ആഗ്രഹിച്ച വിജയവും സ്വപ്ന സാക്ഷാത്കാരവും കൊണ്ടുവരും. സന്തോഷകരമായി സമയം ചെലവിടാനുള്ള ധാരാളം അവസരങ്ങൾ ഉണ്ടാകും. മാസത്തിന്റെ തുടക്കത്തിൽ തന്നെ മംഗളകരമായ പരിപാടികളിൽ പങ്കെടുക്കാൻ സാധിക്കും. പുണ്യ സ്ഥലങ്ങൾ സന്ദർശിക്കാൻ അവസരം വന്നു ചേരും. ഒരു തീർത്ഥാടന സ്ഥലത്തേക്ക് യാത്ര ചെയ്യാനുള്ള സാധ്യതയുണ്ട്. ബഹുമാനം വർധിക്കും. ആളുകൾ നിങ്ങളുടെ പ്രവർത്തനങ്ങളെ പ്രശംസിക്കും. അത് നിങ്ങളുടെ ഉത്സാഹവും ആത്മവിശ്വാസവും വർദ്ധിപ്പിക്കും.ആരോഗ്യ പ്രശ്നങ്ങളിൽ നിന്ന് ആശ്വാസം ലഭിക്കുന്നതായി നിങ്ങൾക്കനുഭവപ്പെടും. സ്വാധീനമുള്ള വ്യക്തിയുടെ സഹായത്തോടെ വസ്തു സംബന്ധമായ തർക്കങ്ങൾ പരിഹരിക്കാൻ സാധിക്കും. കോപം നിയന്ത്രിക്കേണ്ടതുണ്ട്. ദേഷ്യം തോന്നുമ്പോൾ ഉപയോഗിക്കുന്ന വാക്കുകൾ സ്ഥിതി മോശമാക്കാനിടയുണ്ട്. അവിവാഹിതരുടെ വിവാഹം ഉറപ്പിച്ചേക്കാം. പ്രണയബന്ധത്തിൽ ഏർപ്പെട്ടിരിക്കുന്നവർക്കിടയിൽ പരസ്പര ഐക്യവും വിശ്വാസവും വർദ്ധിക്കും. ദാമ്പത്യ ജീവിതം സന്തോഷകരമായിരിക്കും.തുലാം (ചിത്തിര ½, ചോതി, വിശാഖം ¾)മാസത്തിന്റെ തുടക്കം മുതൽ തന്നെ നിങ്ങൾക്ക് പല തരത്തിൽ ഭാഗ്യം വന്നുചേരും. സഹപ്രവർത്തകരുമായുള്ള ബന്ധം കൂടുതൽ ശക്തമാകും. അത് നിങ്ങളുടെ ജോലി വിജയകരമായി പൂർത്തിയാക്കുന്നതിന് സഹായകരമാകും. ഈ കാലയളവിൽ നിങ്ങളുടെ പ്രശസ്തി വർധിക്കും. അധിക വരുമാന സ്രോതസ്സുകൾ കണ്ടെത്തുന്നതിൽ നിങ്ങൾ വിജയിക്കും. സമ്പത്തിൽ വർദ്ധനവുണ്ടാകും. നിങ്ങളുടെ ബുദ്ധിയും വിവേകവും ഉപയോഗിച്ച് എതിരാളികളുടെ ശ്രമങ്ങളെ കീഴ്പ്പെടുത്തും.അസാധ്യമെന്ന് കരുതിയ പല ജോലികളും പൂർത്തിയാക്കാൻ നിങ്ങൾക്ക് സാധിക്കും. ബിസിനസിൽ നിന്ന് ലാഭമുണ്ടാക്കാൻ സാധിക്കും. കുടുംബത്തോടൊപ്പം വിനോദ സഞ്ചാരത്തിന് പോകാനിടയുണ്ട്. പുതിയ സംരംഭം തുടങ്ങാൻ ആഗ്രഹിക്കുന്നവർക്ക് സമയം അനുകൂലമാണ്.പ്രണയ ബന്ധങ്ങളുടെ കാര്യത്തിൽ ഈ മാസം നിങ്ങൾക്ക് അനുകൂലമായിരിക്കും. പ്രണയ പങ്കാളിയുമായി സന്തോഷകരമായ നിമിഷങ്ങൾ ചെലവഴിക്കാൻ ധാരാളം അവസരങ്ങൾ ഉണ്ടാകും. പ്രണയം വിവാഹത്തിലേക്ക് നീങ്ങാനിടയുണ്ട്.വൃശ്ചികം (വിശാഖം ¼, അനിഴം, തൃക്കേട്ട)വൃശ്ചിക രാശിക്കാർക്ക് സമ്മിശ്ര ഫലങ്ങൾ ലഭിക്കുന്ന മാസമായിരിക്കും ഇത്. മാസത്തിന്റെ അവസാന പകുതിയുമായി താരതമ്യപ്പെടുത്തുമ്പോൾ, ആദ്യ പകുതി ഐശ്വര്യവും ഭാഗ്യവും ഉള്ളതായിരിക്കും. മാസത്തിന്റെ തുടക്കത്തിൽ തൊഴിൽ മേഖലയിൽ ചില അനുകൂല മാറ്റങ്ങൾ ഉണ്ടാകാനിടയുണ്ട്. സഹപ്രവർത്തകരിൽ നിന്ന് പൂർണ്ണ പിന്തുണ ലഭിക്കും. ബിസിനസിൽ നിന്ന് ആഗ്രഹിച്ച ലാഭം പ്രതീക്ഷിക്കാം. തൊഴിൽ സംബന്ധമായി നടത്തുന്ന യാത്രകൾ ലാഭകരമാക്കും. പുതിയ സംരംഭങ്ങൾ തുടങ്ങാൻ സാധിക്കുന്നതാണ്. പങ്കാളിത്ത ബിസിനസും നേട്ടം കൈവരിക്കും. സക്കാരിൽ നിന്നുള്ള ആനുകൂല്യങ്ങളും ലഭിക്കും.എന്നാൽ മാസത്തിന്റെ പകുതി പിന്നിടുമ്പോഴേയ്ക്കും തൊഴിൽ രംഗത്ത് പ്രശ്നങ്ങൾ ഉടലെടുക്കും. സഹപ്രവർത്തകരുമായി തർക്കം ഉണ്ടായേക്കാം. ബിസിനസ് വെല്ലുവിളി നിറഞ്ഞതായിരിക്കും. എതിരാളികളിൽ നിന്ന് കടുത്ത മത്സരം നേരിടേണ്ടി വന്നേക്കാം. ദാമ്പത്യത്തിൽ ചെറിയ പ്രശ്നങ്ങൾ ഉണ്ടാകാനിടയുണ്ട്. പ്രണയ ജീവിതം സാധാരണനിലയിൽ തന്നെ മുമ്പോട്ട് പോകും.ധനു (മൂലം, പൂരാടം, ഉത്രാടം ¼)ഗുണകരമായ മാസമാണിത്. ഐശ്വര്യവും ഭാഗ്യവും ഉണ്ടാകും. മാസത്തിന്റെ തുടക്ക സമയത്ത് തന്നെ ജോലി സംബന്ധമായി യാത്ര നടത്തേണ്ടി വരും. യാത്രയ്ക്കിടയിൽ കണ്ടുമുട്ടുന്ന ആളുകളുടെ സഹായത്തോടെ ലാഭകരമായ പദ്ധതികളി ഏർപ്പെടാനും മുടങ്ങി കിടന്ന ജോലികൾ പൂർത്തിയാക്കാനും സാധിക്കും. ഈ മാസം അവിവാഹിതരുടെ വിവാഹം ഉറപ്പിക്കാനിടയുണ്ട്. മംഗളമായി കാര്യങ്ങൾ കുടുംബത്തിൽ നടക്കുന്നതിനാൽ സന്തോഷകരമായ അന്തരീക്ഷമായിരിക്കും. സാമ്പത്തിക സ്ഥിതി മെച്ചപ്പെടും. പുതിയ വരുമാന സ്രോതസ്സുകൾ തേടുന്നവർക്ക് അത് ലഭിക്കാനും സാധ്യതയുണ്ട്. ബിസിനസ് വിപുലീകരിക്കാൻ നടത്തിക്കൊണ്ടിരുന്ന ശ്രമങ്ങൾ ഈ മാസം പൂർത്തിയാകും.മാസത്തിന്റെ പകുതിയോടെ ജോലി സ്ഥലത്ത് നിന്ന് എല്ലാവരുടെയും പിന്തുണ ലഭിക്കുന്നത് വർധിക്കും. ജോലികൾ കൃത്യസമയത്ത് തന്നെ പൂർത്തിയാക്കാൻ സാധിക്കും. എന്നിരുന്നാലും നിങ്ങളുടെ കോപം നിയന്ത്രിക്കേണ്ടതുണ്ട്. ചെറിയ പ്രശ്നങ്ങൾ അവഗണിക്കുന്നതാണ് നല്ലത്. പ്രണയ കാര്യങ്ങൾക്ക് ഈ മാസം അനുകൂലമാണ്. പങ്കാളിയുമായി സ്നേഹവും ഐക്യവും വർദ്ധിക്കും. ദാമ്പത്യ ജീവിതം സന്തോഷകരമായിരിക്കും.മകരം (ഉത്രാടം ¾, തിരുവോണം, അവിട്ടം ½)മകരക്കൂറുകാർക്ക് ഈ മാസം സമ്മിശ്ര ഫലങ്ങളാണ് കാണുന്നത്. പല ആളുകളുമായി ഒത്തുചേർന്ന് പ്രവർത്തിച്ചാൽ മാത്രമേ ഏർപ്പെടുന്ന കാര്യങ്ങളിൽ നിങ്ങൾക്ക് വിജയം ലഭിക്കുകയുള്ളൂ. എന്നിരുന്നാലും പ്രതിബന്ധങ്ങളെ അതിജീവിച്ച് ജോലികൾ കൃത്യ സമയത്ത് പൂർത്തിയാക്കും. മാസത്തിന്റെ തുടക്കത്തിൽ തന്നെ ജോലിസ്ഥലത്ത് എതിരാളികൾ പല കാര്യങ്ങളിലും തടസ്സങ്ങൾ സൃഷ്ടിക്കാൻ സാധ്യതയുണ്ട്. വീട്ടിലും പല പ്രശ്നങ്ങളും ഉണ്ടാകാൻ സാധ്യതയുണ്ട്. പൂർവിക സ്വത്ത് സംബന്ധമായുള്ള തർക്കം കോടതിയുടെ പരിധിയിലേയ്ക്ക് നീങ്ങും. ആരോഗ്യ കാര്യത്തിൽ പ്രത്യേകം ശ്രദ്ധിക്കേണ്ടതുണ്ട്.എന്നാൽ മാസത്തിന്റെ പകുതിയോടെ പല പ്രശ്നങ്ങളിൽ നിന്നും ആശ്വാസം ലഭിക്കുന്നതായിരിക്കും. അടുത്ത സുഹൃത്തുക്കളിൽ നിന്ന് നിങ്ങൾക്ക് പൂർണ്ണ പിന്തുണ ലഭിക്കുന്നതായിരിക്കും. ജോലി സംബന്ധമായ കാര്യങ്ങളിൽ നേട്ടമുണ്ടാകാനിടയുണ്ട്. ജോലി സംബന്ധമായ യാത്രകൾ ഫലം കാണും. ബിസിനസിൽ നിന്ന് ലാഭം ഉണ്ടാകാനും സാധ്യതയുണ്ട്.പ്രണയബന്ധങ്ങളിൽ ചില തെറ്റിദ്ധാരണകൾ ഉണ്ടാകാനിടയുണ്ട്. സംസാരിച്ച് പരിഹരിക്കുക. ശരിയായ സമയത്ത് ശരിയായ തീരുമാനം എടുക്കുന്നത് ഗുണം ചെയ്യും. ജീവിതത്തിന്റെ ഉയർച്ച താഴ്ചകളിൽ പങ്കാളിയുടെ പിന്തുണ നിങ്ങൾക്ക് വലിയ ആശ്വാസമാകും.കുംഭം (അവിട്ടം ½, ചതയം, പൂരുരുട്ടാതി ¾)കുംഭക്കൂറുകാർക്ക് ഐശ്വര്യവും ഭാഗ്യവും വരുന്ന മാസമാണ്. കഠിനാധ്വാനത്തിന്റെയും പരിശ്രമത്തിന്റെയും ഫലങ്ങൾ നിങ്ങൾക്ക് ലഭിക്കും. സർക്കാർ സഹായങ്ങൾ ലഭിക്കുന്നതാണ്. സ്ഥലംമാറ്റത്തിന് ശ്രമിച്ചവർക്ക് അതിനുള്ള ഉത്തരവ് ലഭിക്കാനിടയുണ്ട്. ദീർഘകാലമായി ഉണ്ടായിരുന്ന കുടുംബ പ്രശ്നങ്ങൾക്ക് പരിഹാരം ഉണ്ടാകും. അടുത്ത സുഹൃത്തുക്കളോടൊപ്പം വിനോദയാത്ര പോകാനിടയുണ്ട്. കുടുംബാംഗങ്ങളുടെ നേട്ടത്തിൽ സന്തോഷിക്കും. ബിസിനസ് ചെയ്യന്നവർക്കും ഗുണകരമായ സമയമാണ്. മുടങ്ങി കിടന്ന പണം ലഭിക്കാനിടയുണ്ട്. നിങ്ങളുടെ ചില തീരുമാനങ്ങൾ എല്ലാവർക്കും ഗുണകരമായി ഭവിക്കും. വിദ്യാർത്ഥികൾക്ക് ഗുണകരമായ ആഴ്ചയാണ്.മാസത്തിന്റെ രണ്ടാം പകുതിയിൽ മതപരമായ കാര്യങ്ങൾക്കായി കൂടുതൽ സമയം ചെലവിടുന്നതായിരിക്കും. പ്രണയ പങ്കാളിയുമായി സ്നേഹവും ഐക്യവും നിലനിൽക്കും. ദാമ്പത്യത്തിൽ വിശ്വാസം ദൃഢപ്പെടും.മീനം (പൂരുരുട്ടാതി ¼, ഉതൃട്ടാതി, രേവതി)വർഷത്തിലെ അവസാന മാസം മീനക്കൂറുകാർക്ക് ഐശ്വര്യം കൊണ്ടുവരും. മാസത്തിന്റെ തുടക്കം മുതൽ ജോലിയിൽ ആഗ്രഹിച്ച വിജയം നേടാൻ സാധിക്കും. എല്ലാവരിൽ നിന്നും നിങ്ങൾക്ക് പിന്തുണ ലഭിക്കുന്ന സമയവുമാണ്. ബിസിനസ് നടത്തുന്നവർക്കും സ്വയം തൊഴിൽ ചെയ്യുന്നവർക്കും ഈ മാസം അനുകൂലമായിരിക്കും. ബിസിനസുകാർ മാർക്കറ്റിൽ ആധിപത്യം പുലർത്തും. പ്രൊഫഷണൽ രംഗത്ത് ജോലി ചെയ്യുന്നവർക്ക് ജോലിയിൽ ആഗ്രഹിച്ച നേട്ടം കൈവരിക്കാൻ സാധിക്കും.കരാറടിസ്ഥാനത്തിൽ ജോലി ചെയ്യുന്നവർക്ക് ചില വലിയ പ്രോജക്ടുകളുടെ ഭാഗമാകേണ്ടി വരും. രാഷ്ട്രീയക്കാർക്ക് പ്രത്യേക പദവിയോ ഉത്തരവാദിത്തങ്ങളോ ലഭിക്കും. വളരെ നാളായി ജോലി മാറണമെന്ന് ആഗ്രഹിക്കുന്നവർക്ക് മികച്ച അവസരങ്ങൾ കിട്ടാനുള്ള സാധ്യതയുണ്ട്. വിദ്യാർത്ഥികൾക്കും ആഗ്രഹിച്ച വിജയം കരസ്ഥമാക്കാൻ സാധിക്കും.മാസത്തിന്റെ അവസാന പകുതിയിൽ യുവജനങ്ങൾ വിനോദ കാര്യങ്ങൾക്കായി സമയം ചെലവിടും. കുടുംബത്തോടൊപ്പമോ സുഹൃത്തുക്കൾക്കൊപ്പമോ യാത്രകൾ പോകാനിടയുണ്ട്. സൗഹൃദം പ്രണയമായി മാറാനിടയുണ്ട്. പ്രണയിതാക്കൾക്കിടയിൽ പരസ്പര വിശ്വാസം പ്രധാനമാണ്. ദാമ്പത്യം സന്തോഷകരമായി തുടരും.
Source link
